Бүгүн, 29-апрелде интернет айдыңында Улуу Британияда окуучу тарабынан мугалим мууздалгандыгы тууралуу маалымат тарады. Маалымдалгандай, мектепте окуучулардын көзүнчө 62 жаштагы мугалим мууздалып, ал жараатынан улам ооруканадан көз жумган.
Бул кылмышка шектелип 15 жаштагы, мурда соттолгон өспүрүм кармалды. Полиция кызматкерлеринин айтымында, башка мугалимдерге жана окуучуларга ал тарабынан коркутуп-үркүтүүлөр болгон эмес. Алдын ала айтылган маалыматтарга караганда, мугалим окуучуга класстан чыгып кетүүнү буйруган. Чыгып кеткен окуучу бир аздан соң ашкана бычагын алып келип, эжейинин моюнуна жана далысына бычак урган.
