Дамира Ниязалиева: “Дарыларды кошумча нарк салыгынан бошотуу же бошотпоону өкмөт өзү чечет”

Кыргызстанга киргизилген дарыларды кошумча нарк салыгынан бошотуу же бошотпоону өкмөт өзү чечет. Муну бүгүн, 29-апрелде ЖКнын Социалдык саясат комитетинин жыйынында депутат Дамира Ниязалиева билдирди. “Маалыматты тактап туруп таратуу керек. Менимче, дарыларды өлкөгө киргизүүдөгү кошумча нарк салыгы боюнча мыйзам бузуулар болгонун азырынча көрө элекмин”,- деди Ниязалиева.

Айта кетсек, буга чейин айрым депутаттар дарыларды кошумча нарк салыгынан бошотуу менен бюджетке ири суммадагы киреше түшпөй калганын билдиришип, ага айрым чиновниктердин катыштыгы бар экенин айтышкан эле.

Автор: Автандил Добулбеков