Жогорку Кеңештин депутаттары Парламенттик ассамблеясынын Укуктук маселелер боюнча комиссия жыйынына катышты

Түрк тилдүү өлкөлөрдүн Парламенттик ассамблеясынын Укуктук маселелер боюнча комиссиясынын мүчөлөрү – Кыргыз Республикасынын Жогорку Кеңешинин Бюджет жана финансы боюнча комитетинин төрага орун басары Курманбек Дыйканбаев менен КР Жогорку Кеңешинин Агрардык саясат, суу ресурстары, экология жана регионалдык өнүгүү боюнча комитетинин мүчөсү Эркингүл Иманкожоева комиссиянын кезектеги жыйынына катышты. ТүркПАнын Укуктук маселелер боюнча комиссиясынын үчүнчү жыйыны Астана (Казакстан) шаарында өттү. Бул тууралуу ЖКнын басма сөз кызматы маалымдады.

Катышуучулар комиссиянын “Улуттук мыйзамдарды шайкеш келтирүү маселелери” темасындагы баяндамалар менен сунуштамаларды угуп, талкууга алышты.

Ошондой эле парламентчилер ТүркПАнын туруктуу комиссияларынын ишмердүүлүгү менен түзүмүн жана ошондой эле уюмдун укуктук базасын өркүндөтүү багыттарын карап чыгышты.

Жыйындын жыйынтыгында тиешелүү сунуштамалар кабыл алынды. ТүркПАнын Укуктук маселелер боюнча комиссиянын кийинки жыйыны Бишкек шаарында өткөрүү чечилди.

Маалымкат: ТүркПА курамына Азербайжан, Казакстан, Кыргызыстан жана Түркия кирет.

Автор: Айпери Ганыжан кызы