Баткен. Лейлек районунда Кулунду өрөөнүнүн түптөлгөнүнүн 60 жылдык мааракеси өтүүдө

Баткен облусуна караштуу Лейлек районунда бүгүн, 30-апрелде Кулунду өрөөнүнүн түптөлгөндүгүнүн 60 жылдык мааракеси башталды. Ага өкмөттүн Баткен облусундагы ыйгарым укуктуу өкүлү Жеңиш Разаков, КРнын биринчи вице-премьер-министри Тайырбек Сарпашев катышууда.

Аталган иш-чара эки күнгө созулуп, анын алкагында К.Ниязматов атындагы Тарых музейинде “Кулпурган Кулунду өрөөнүнө 60 жыл” деген темада илимий-практикалык конференция өтөт. Ошондой эле Кулунду өрөөнүнүн негизделгенинин 60 жылдыгына арналган эстеликтин ачылышы болмокчу.

Аягында концерттик программалар, уз-чеберлердин кол өнөрчүлүгүнүн көргөзмөлөрү уюштурулуп, улуттук ат оюндары менен коштолот.

Автор: Айсана Паизова