Бишкектин жана Чүйдүн айрым райондорунда дем алыш күндөрү электр жарыгы убактылуу өчүрүлөт

Электр тармактарынын профилактикалык иштерине байланыштуу Бишкектин жана Чүйдүн айрым райондорунда дем алыш күндөрү электр жарыгы убактылуу өчүрүлөт. Бул тууралуу бүгүн, 2-майда "Түндүк электр" ишканасынын басма сөз кызматы билдирди.

Маалыматка ылайык, 4-май күнү саат 9:00дөн 17:00гө чейин Осипенко, Исанов, Тюменьская көчөлөрүндө, Киргизия-1 конушунда (Аман, Улан көчөлөрүндө) №72, 1493-трансформаторлорундагы оңдоо иштерине байланыштуу электр жарыгы үзгүлтүккө учурашы мүмкүн.

Ошондой эле 6-май күнү саат 9:00дөн 17:00гө чейин Сокулук районундагы Сокулук айылындагы (Киров, Ленинград, Школьная, Ош, Москва, Жеңиш көчөлөрүндө), Романовка айылындагы (Озёрная, Пионерская көчөлөрүндө) жогорку чыңалуудагы "Главная" көмөк чордонундагы оңдоо иштерине байланыштуу электр жарыгы убактылуу өчүрүлөт.

Автор: Мальвина Уметбекова