Баткенде футбол боюнча мелдеш өткөрүлдү

Баткен районунун түзүлгөндүгүнүн 80 жылдыгына карата футбол боюнча мелдеш өткөрүлдү. Бул тууралуу бүгүн, 6-майда райадминистрациянын басма сөз кызматы билдирди.

Маалыматка ылайык, ага район аймагындагы айыл аймактарынан жана Баткен райондук мамлекеттик администрациясынын кызматкерлеринен түзүлгөн 9 команда катышты.

Жыйынтыгында 1-орунду Кара-Бак айыл өкмөтү, 2-орунду Самаркандек айыл өкмөтү, 3-орунду Баткен райондук мамлекеттик администрациясынын командалары ээлешти. Жеңүүчүлөр баалуу белектерге ээ болушту.

Баткен районунун акими Сейитмурат Калыков өткөн иш-чараны уюштуруунун негизги максаты - район аймагындагы мамлекеттик жана муниципалдык кызматкерлердин спорт оюндарына болгон кызыгуусун арттыруу экенин айтып өттү.

Автор: Айсана Паизова