Ысык-Көл районунда каракчылык фактысына шектелип мурда соттолгон 28 жаштагы жаран кармалды

Ысык-Көл районунда каракчылык фактысына шектелип мурда соттолгон 28 жаштагы жаран кармалды. Бул тууралуу Ысык-Көл ОИИБинин басма сөз кызматы бүгүн, 7-майда билдирди.

Маалыматка караганда, үстүбүздөгү жылдын 17-март күнү белгисиз адамдар жабырлануучунун үйүнө киришип, бычак менен коркутуп 300 миң сом акчасын алып, белгисиз тарапка качып кетишкен. Бул боюнча иликтөө иштери жүрүп, натыйжада Ысык-Көл районунун мурда сот жообуна тартылган 28 жаштагы С.Дөөлөт аттуу жараны кармалды. Учурда кармалган адам убактылуу кармоочу жайга киргизилип, тергөө амалдары жүрүп жатат.

Автор: Бекжан Рыскулов