"Дордой" базарынан 28 миң долларлык товар уурдаган" деген шек менен 26 жаштагы жаран кармалды

"Дордой" базарынан 28 миң АКШ долларына бааланган товар уурдаган" деген шек менен 26 жаштагы жаран кармалды. Бул тууралуу Бишкек ШИИББинин басма сөз кызматы бүгүн, 7-майда билдирди.

Белгилүү болгондой, 54 жаштагы Сымбат аттуу айым милиция кызматкерлерине кайрылып, "Дордой" базарындагы контейнеринен белгисиз адамдар 28 миң долларга бааланган 145 даана оролгон кездемени уурдап кетишкенин кабарлаган. Бул боюнча ыкчам аракеттер жүрүп, кылмышка шектелип 26 жаштагы Мирбек кармалды. Учурда аталган кылмыш боюнча иликтөө жүрүп жатат.

Автор: Мирлан Өмүралиев