Донецк бийлиги Путиндин сунушунан баш тартты

“Донецк Элдик Республикасы” 2014-жылдын 11-майына белгиленген референдумду артка жылдырбай тургандыгын билдирди. Бул тууралуу бүгүн, 8-майда өлкөнүн премьер-министри Мирослав Руденко чет элдик ММКларга кабарлады.

Буга чейин Орусия президенти Владимир Путин референдумду артка жылдырууну сунуштаган. Путин Киевдин түштүк-чыгышындагы окуяларга каршы операцияны токтотууга чакырган.

Ал эми бүгүн Украинанын Коопсуздук кеңеши атайын операцияны улантуу Донецктин референдум боюнча чечиминен көз каранды эместигин билдирди.

Автор: Жамалидин Парманкулов