“Ош электр” ишканасынын кызмат адамдары тарабынан аласа карызды мыйзамсыз чегерип алуу фактысы аныкталды

“Ош электр” ишканасынын кызмат адамдары тарабынан аласа карызды мыйзамсыз чегерип алуу фактысы аныкталды. Бул тууралуу УКМКнын басма сөз кызматы бүгүн, 12-майда билдирди.

Маалыматка караганда, 2011-жылы “Ош электр” ишканасынын кызмат адамдары 16 миллион 862 миң сомдук аласа карызды бухгалтердик баланстан мыйзамсыз чегерип алышкан.

Бул факты боюнча “алдамчылык” жана “коммерциялык же башка уюмдардын кызматчыларынын ыйгарым укуктарын кыянаттык менен пайдаланышы” беренелери боюнча кылмыш иши козголуп, тергөө амалдары жүрүп жатат.

Автор: Бекжан Рыскулов