“Тажикстандын экономикасы "миграциялык экономика" деп эсептелет” деди тажикстандык саясатчы

Тажикстандын экономикасы “миграциялык экономика” же “акча которуулардын экономикасы” деп эсептелет. Бул тууралуу бүгүн, 12-майда Бишкекте өз лекциясында тажикстандык саясатчы Парвиз Мулложанов билдирди.

Анын айтымында, 2010-жылы Тажикстандын социалдык-экономикалык модели түзүлдү. “Тажикстанда бийлик өтө эле борборлоштурулган. Оппозициянын деңгээли начар. Жарандык коомдун өнүгүшү болбой жатат. Ошол эле учурда байлыктардын бардыгы майда элиталык топтордун колунда“,- деди саясатчы.

“Тажикстандын экономикасы эмгек мигранттарынын акча которууларынан көз каранды. Бул боюнча бул өлкө дүйнөдө биринчи орунда турат. Орусиядан которулган акча каражаттары бардык акча которуулардын 90 пайызын түзөт”,- деп кошумчалады Мулложанов.

Автор: Нургазы Аматов