Одесса 25-майда Украинада өтүүчү президенттик шайлоо менен бирге референдум өткөрүүгө камданууда

Одессанын өзүнчө аймак статусуна ээ болушун каалап, Орусияны жактаган активисттер 2014-жылдын 25-майында Одессада референдум өткөрүүгө аракет кылып жатышат. Чет элдик ММКлардын билдиришинче, референдум менен бирге президенттик шайлоо өткөрүлөрү айтылууда.

“Одесса үчүн референдум керек деп ойлойм. Биз 25-майда өтө турган президенттик шайлоо менен бирге референдум өткөрүүгө аракет кылабыз. Элди экиге бөлүп-жаруунун кажети жок. Бул убакытты үнөмдөө”,- деп билдирген орусиячыл лидерлердин бири Алексей Албу.

Ал эми Украина бийлиги референдум өткөрүү үчүн алдын ала мыйзам кабыл алуу керектигин айтууда.

Эскерте кетсек, 25-май күнү Украинада президенттик шайлоо өткөрүлөт.

Автор: Жамалидин Парманкулов