Гапар Айтиев атындагы Кыргыз улуттук көркөм өнөр музейинде Ачык эшик күнү өтөт

Гапар Айтиев атындагы Кыргыз улуттук көркөм өнөр музейинде 17-майда Эл аралык музейлер күнүнө карата Ачык эшик күнү өтөт. Бул тууралуу бүгүн, 13-майда аталган музейден билдиришти.

Маалыматка ылайык, көрүүчүлөр үчүн жаңы нерсе катары “Раритет багет” көргөзмөсү тартууланып, ошондой эле кум графикасы менен мультимедиялык тамаша кечени көркүнө чыгармакчы.

Ачык эшик учурунда интерактивдүү экскурсиялар жүрүп, иш-чарага келген конокторго белгилүү сүрөтчү, скульпторлор мастер-класстарды өткөрүшөт.

Ошондой эле аткаруучулук чеберчилик, чечендик өнөр боюнча машыгуулар өткөрүлүп, сынактар уюштурулары пландалууда.

Автор: Мальвина Уметбекова