Ошто күч түзүмдөрүнүн таланттуу кызматкерлеринин арасында “Жоокер ыры” аттуу сынак өткөрүлдү

9-Май – Улуу Жеңиштин 69 жылдыгына карата Ош шаарындагы драма театрында “Жоокер ыры” аттуу сынак өткөрүлдү. Бул тууралуу бүгүн, 14-майда ӨКМнын басма сөз кызматы билдирди.

Ага КРнын Куралдуу күчтөрүнүн жана күч түзүмдөрүнүн таланттуу кызматкерлери катышышты.

Жыйынтыгында 1-орунду Ош облустук Жол-кайгуул кызматынын кызматкери Нурбек Молдалиев ээлесе, ӨКМнын атынан Өзүнчө куткаруу отрядынын тарбиялоо бөлүмүнүн улук офицери Бекзатбек Казаков катышып, 6 катышуучунун ичинен 2-орунду ээледи. 3-орун ээси Жалал-Абад шаардык Жол-кайгуул кызматынын кызматкери Нурлан Абдраимов болду.

Байгелүү орун ээлери 2014-жылдын сентябрь айында Бишкек шаарында өтө турган финалдык турга жолдомо алышты.

Автор: Айсана Паизова
Фото: ӨКМнын басма сөз кызматы