Бишкектеги №1-СИЗОнун экс-жетекчиси Марс Жусупбеков Улуттук госпиталда дарыланууда

Бишкектеги №1-СИЗОнун мурунку жетекчиси Марс Жусупбеков Улуттук госпиталда дарыланууда. Муну Жаза аткаруу мамлекеттик кызматынын басма сөз кызматы билдирди.

Маалыматка таянсак, 8-майда Жусупбеков №1-СИЗОдо медицина бөлүмү тарабынан кароодон өтүп, ага "өтө жогорку коркунуч туудурган гипертоникалык оору, мээдеги кан айлануунун курч мүнөздө бузулушу" деген болжолдуу диагноз коюлган.

Жусупбековдун ден соолугунун начарлашынан ага "Тез жардам" бригадасы чакырылганы да айтылды. Андан кийин экс-чиновник СИЗОдон ооруканага которулган.

Айта кетсек, жакында Бишкектин Октябрь райондук соту Марс Жусупбековду "кызматтык абалынан кыянаттык менен пайдалануу" беренеси боюнча күнөөлүү деп таап, 4 жылга эркинен ажыраткан.

Автор: Автандил Добулбеков