Мектепке чейинки билим берүү мекемелерине барбаган балдар атайы 240 сааттык даярдоодон өтүшөт

Бишкекте "Министр түз байланышта" акциясынын алкагында "Коомдун туруктуу өнүгүүсү үчүн билим берүү" аталыштагы тегерек стол өз ишин баштады.

"2014-жылы мектепке чейинки билим берүү мекемелерине барбаган 5,5 - 7,5 жаш курагындагы балдар үчүн 240 сааттык даярдоо программасы ишке кирет. Аталган программанын алкагында мектептердин ичинде 2237 класс-комплект ишке киришет", - дейт К.Садыков.

Анын айтымына караганда, үстүбүздөгү жылдын 1-декабрына чейин кошумча 50 бала бакча, ал эми 2015-жыл аралыгында дагы 40ка жакын бала бакчанын курулушу күтүлүүдө. "Бул берилип жаткан убадалар куру сөз эмес. Бул долбоорлорду ишке ашыруу максатында Дүйнөлүк банк тарабынан 3 жылдык гранттык негизде 12 миллион доллар бөлүнгөн",- деп кошумчалады К.Садыков.

Автор: Мальвина Уметбекова