Өлкөдөгү көп балалуу энелерди Эне даңкы медалы менен сыйлоо жөнүндө жарлыкка кол коюлду

Кечээ, 15-майда өлкө башчы Алмазбек Атамбаев "Республиканын көп балалуу энелерин Эне даңкы медалы менен сыйлоо жөнүндө" жарлыкка кол койгонун президенттин аппаратынын маалыматтык бөлүмү кабарлады.

Жарлыкка ылайык, КРнын Конституциясынын 64-беренесинин 10-бөлүгүнүн 1-пунктунун негизинде төмөнкүдөй токтом кылынат:

"6 баласы бар жана аларга жакшы тарбия берип өстүргөн энелер Эне даңкы медалы менен сыйлансын".

Жарлык кол коюлган күндөн баштап күчүнө кирет.

Автор: Жамалидин Парманкулов