Таластагы 9 айыл өкмөттүн башчыларына документ иштери боюнча семинар өткөрүлдү

13-майда Мамлекеттик кадр кызматынын Борбордук аймактык өкүлчүлүгү Талас облусунун Бакай-Ата районундагы айыл өкмөт башчыларына семинар өткөрдү. Семинарга 9 айыл өкмөттүн башчылары жана жооптуу катчылары катышканын бүгүн, 15-майда аталган кызматтан билдиришти.

Иш-чаранын катышуучуларына муниципалдык кызмат чөйрөсүндөгү укуктук-ченемдик актылар боюнча түшүндүрмө берилгени айтылды. Ошондой эле жергиликтүү өз алдынча башкаруу жаатындагы маселелер талкууга алынып, сунуштар айтылды.

Автор: Автандил Добулбеков