Бирдиктүү салык декларациясынын жаңы түрү элге түшүндүрүлүүдө

Бирдиктүү салык декларациясынын жаңы формасы боюнча өлкөнүн бардык аймактарында түшүндүрүү иштери жүрүүдө. Семинарда жарандарга декларация тапшыруунун жаңы ыкмасы боюнча кенен маалымат берилип жатканын мекеменин басма сөз кызматы 16-майда билдирди. Жарандарга салык мыйзамына кирген өзгөрүүлөр боюнча түшүндүрмө берилип жатыптыр.

“Семинарлар Талас, Чүй облустарынын жана Бишкек шаарынын бардык райондорунда өттү. Айдын аягына чейин башка аймактарда да уюштурулат”,- деп айтылат билдирүүдө.

Айта кетсек, жеке жактардын 2013-жыл боюнча декларация тапшыруу жана кирешелерин легализациялоо мөөнөтү 2014-жылдын 1-июлуна чейин узартылган.

Автор: Автандил Добулбеков