Депутат Каныбек Осмоналиев Чүйдүн Букара айылындагы мектептин курулушу 22 жылдан бери бүтпөй жатышына нааразы

Жогорку Кеңештин депутаты Каныбек Осмоналиев бүгүн, 16-майда билим берүү тармагындагы абал боюнча маалымат жыйын өткөрүүдө.

Депутат Чүй облусундагы райондорду кыдырып чыкканын айтып, мектептердин курулуштары боюнча маалымат берди.

“Чүйдүн райондорундагы билим берүүнүн абалы менен таанышып чыгып, курулуш иштерине тынчсыздандым. Букара айылындагы мектепке барсам, 22 жыл мурун курулушу башталган мектеп бүгүнкү күнгө чейин бүтө элек экен. Мектеп үч бөлүккө бөлүнүп салынып жатыптыр. Анын бир гана бөлүгү бүтүп, 200гө чукул бала окуп жатат”,- деди Осмоналиев.

Автор: Жамалидин Парманкулов