Жоомарт Оторбаев: "Ийгиликке жеткирүүдөгү Швейцариянын тажрыйбасын колдонууга кызыкдарбыз"

Кыргызстандын Бажы биримдигине кириши менен биздин өлкөдө иштөөгө кызыкдар европалык инвесторлор Орусия менен Казакстандын ири рыногуна кирүүгө мүмкүнчүлүк алышат. Муну премьер-министр Жоомарт Оторбаев бүгүн, 19-майда Өнүгүү жана кызматташуу боюнча Швейцария агенттигинин башкы директору Мартин Дахинден менен жолугушууда айтты. "Өкмөт инвестициялык климатты жакшыртуу боюнча активдүү иш жүргүзүүдө",- деди Оторбаев.

Швейцария менен кызматташуу тууралуу өкмөт башчы буларга токтолду:

"Туруктуу өнүгүү үчүн Швейцарияга бир нече кылымдар керектелди. Биздин өлкөлөр өтө окшош. Ийгиликке жеткирүүдөгү, идеяларды ишке ашыруудагы силердин тажрыйбаңарды колдонууга кызыкдарбыз".

Автор: Автандил Добулбеков