Жоомарт Оторбаев Баткендеги кыргыз-тажик көйгөйүн чечүү боюнча жасалып жаткан иштерди атады

Парламентте бүгүн, 21-майда өкмөттүн 2013-жыл боюнча отчёту каралууда. Депутаттар Баткендеги кыргыз-тажик чек арасындагы көйгөйдү чечүү үчүн өкмөт эмне иш кылып жатканын сурашты. Премьер-министр Жоомарт Оторбаев чек ара көйгөйү боюнча буларды билдирди:

“Быйыл мамлекеттик чек арадагы делимитация жана демаркация иштерине 62 миллион сом бөлүндү. Капиталдык салымдар боюнча 495 миллион сом каралды. Инфраструктураны жакшыртууга аракет кылып жатабыз. Чек арачылардын айлыктарын жогорулатып, чек араны кайтаргандардын санын көбөйтүп жатабыз. Тажикстан менен бирге чоң программа иштетебиз, бул боюнча тажик тарап макул болду. Жаштарды маданий иш-чараларга тартышыбыз керек”.

Айта кетсек, парламентте бүгүн өкмөттүн 2013-жыл боюнча отчёту каралууда.

Автор: Автандил Добулбеков