Жогорку Кеңештин айрым депутаттары Орусияда иш сапары менен жүрүшөт

21-майда парламент депутаттары Надира Нарматова, Нурбек Мурашев “КМШ өлкөлөрүндө калк жайгаштыруу динамикасы жана туруктуу өнүктүрүү” аттуу эл аралык илимий-практикалык семинарга катышты.

Иш-чара Санкт-Петербург шаарындагы Көз карандысыз мамлекеттердин Парламенттер аралык ассамблеясынын штаб-квартирасы – Таврия сарайында өттү.

Депутаттар Айнуру Алтыбаева менен Нурбек Алимбеков КМШ ПААнын Экономика жана финансы боюнча туруктуу комиссиясынын жыйынына катышып жатканын ЖКнын маалымат кызматы билдирди. Жыйындардын жүрүшүндө “Дүйнөлүк соода уюмуна кирүүнүн шарттарында КМШ ПААга мүчө-мамлекеттерде техникалык жөнгө салуунун бирдиктүүлүк негиздери тууралуу” моделдик мыйзамдын долбоору боюнча кыргызстандык депутаттар баяндама жасашты.

Автор: Автандил Добулбеков