"Абактагы жарандын качуусуна жардам берген" деп шектелген №26-жаза аткаруу мекемесинин жооптуу кызматкерлерине кылмыш иши козголду

Абактагы адам түрмөдөн мыйзамсыз чыгарылып, кара жумушчу катары 8 ай иштеген соң качып кеткендигине байланыштуу №26-жаза аткаруу мекемесинин жооптуу кызматкерлерине кылмыш иши козголду. Бул тууралуу Башкы прокуратуранын басма сөз кызматы бүгүн, 22-майда билдирди.

Маалым болгондой, 2008-жылдын 13-мартында №26-жаза аткаруу мекемесинин башчысы А.Д. мыйзамсыз түрдө КРнын Юстиция министрлигинин алдындагы жатак-колония бөлүмүнүн мурунку башчысы Э.О. аттуу адамга абактагы Б.С. аттуу жаранды өткөрүп берген.

Абактан мыйзамсыз чыгарылган жаран кара жумушчу катары пескоблок чыгаруучу болуп 8 ай иштеген. Андан кийин жакындарына учурашуу үчүн Сузак районуна кетип, ал жактан өзүнө паспорт алып, Орусияга иштөө үчүн кетип калган. Бирок буга карабай №26-жаза аткаруу мекемесинин жооптуу кызматкерлери жана башчысы А.Д. текшерүүлөрдө "соттолгон Б.С. аттуу адам камакта отурат" деп көрсөтүп жүрүшкөн.

Абактан мыйзамсыз чыгарылып, кийин Орусияга кеткен адамга карата 2010-жылы “камактан качкан” деген шек менен иш козголуп, издөөгө алынган.

Учурда аталган окуя боюнча №26-жаза аткаруу мекемесинин айрым жооптуу кызматкерлерине карата “кызмат абалынан кыянаттык менен пайдалануу” жана “кызмат милдеттеринен аша чабуу” беренелери менен кылмыш иши козголуп, иликтөө уланууда.

Автор: Мирлан Өмүралиев

12:25 22-05-2014

Жазылуу

РУБРИКАДАГЫ СОҢКУ КАБАРЛАР

13:00 2025-05-10 | Коом жана турмуш

Жалал-Абад шаарына курулуучу аэропортттун долбоору жарыяланды 6 0

12:39 2025-05-10 | Спорт

Эртең кыргыз мушкери Валентина Шевченко франциялык Фиоро менен беттешет (видео) 77 0

11:46 2025-05-10 | Коом жана турмуш

Бишкекте Жеңиштин 80 жылдыгын утурлай Чолпонбай Түлөбердиев атындагы музей ачылды 216 0

11:08 2025-05-10 | Коом жана турмуш

Садыр Жапаровдун жерге жармаштырылган желекти алып, чөнтөгүнө салган видеосу тарады 1577 1

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 385 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 1186 0

Архив

Комментарийлер (2)

Jiide.8792

2014-05-22 14:21:13

Ошондой да болобу я тообо кылмыш кылып келейн чыгарып тур же тоойго барып туугандардан салам алып келейн десе да чыгарса керек а бизде тан калам да тообо кылдым

restreppo

2014-05-22 15:40:09

Jiide.8792, жатак абагы деп турбайбы,колония поселение деп коет ал жак турмо эмес ал жерде иштетишет

Комментарий калтыруу үчүн өз ысымыңыз менен кириңиз же каттоодон өтүңүз.