Президент Алмазбек Атамбаев куралдарды, аскердик техникаларды кошумча нарк салыгынан бошотууга багытталган мыйзамга кол койду

10-январда, президент Алмазбек Атамбаев "КРнын бир катар мыйзам актыларына толуктоолорду киргизүү жөнүндө" КРнын мыйзамына кол койду. Бул мыйзамга ылайык, мамлекеттик бюджеттен каржыланган мамлекеттик органдар жана уюмдар КРнын коргонуу жөндөмдүүлүгүн, улуттук коопсуздугун жана укук тартибин камсыз кылуу максатында Кыргызстанга импорттолуучу куралдар, аскердик техникалар, аскердик мүлк, атайын техникалар жана атайын каражаттар кошумча нарк салыгын (КНС) төлөөдөн жана бажы төлөмдөрүнөн бошотулат. Мыйзам Салык кодексине жана Бажы кодексине тиешелүү толуктоолорду киргизет. Айта кетсек, бул мыйзам Жогорку Кеңеш тарабынан 2012-жылдын 20-декабрында кабыл алынган.

Автор: Автандил Добулбеков