Красноярск шаарында кайнак суу "фонтанынын" астында калган автобустагы жүргүнчүлөрдү гастарбайтер сактап калды

22-майда Орусиянын Красноярск шаарында ысык суу өткөн түтүк жарылып, 15 жүргүнчүсү бар автобус анын астында калган. Автобустагы жүргүнчүлөрдү Сайбуха Рагимов деген гастарбайтер сактап калган. Бул тууралуу бүгүн, 23-майда орусиялык маалымат каражаттары жазып чыгышты.

Маалыматка ылайык, Красноярск шаарынын Вавилова көчөсүндө 1976-жылы коюлган суу түтүгү жарылып, 6 кабаттуу үйдүн бийиктигиндей болгон кайнак суу "фонтаны" пайда болгон. Ошол учурда ал жерден өтүп бара жаткан автобус анын астында калып, жүргүнчүлөр чыга албай калышкан.

"Суу 20 метрге чейин көтөрүлүп атып жатты. Өтүп кетем деди окшойт, бирок айлана буудан көрүнбөй калды. Жаш балдар, кыздар автобустун ичинде, отургучтарына чыгып жардам сурап кыйкырып жатышты. Биз эшикти ачканга аракет кылдык. Ача албай коюп, автобустун арткы терезесин таш менен сындырганга мажбур болдук. Терезени сындырганда автобустун ичинен буу чыкты. Андан соң автобустун эшигин ачтык. 2-3 мүнөткө кечиккенибизде баары бууга бышып калмак",- дейт Сайбуха Рагимов.

Орусиянын ИИМинин Башкы башкармалыгынын маалыматы боюнча, бул кырсыктын кесепетинен 12 адам 1-2-даражадагы күйүк жана ар кандай жаракаттар менен ооруканага түшкөн. Алардын арасында айдоочу да бар.

Красноярскийде автобустун жүргүнчүлөрү кайнак суунун астында калышты.

Автор: Дамира Арстанова
Фото: Интернеттен алынды

14:42 23-05-2014

Жазылуу

РУБРИКАДАГЫ СОҢКУ КАБАРЛАР

13:00 2025-05-10 | Коом жана турмуш

Жалал-Абад шаарына курулуучу аэропортттун долбоору жарыяланды 6 0

12:39 2025-05-10 | Спорт

Эртең кыргыз мушкери Валентина Шевченко франциялык Фиоро менен беттешет (видео) 77 0

11:46 2025-05-10 | Коом жана турмуш

Бишкекте Жеңиштин 80 жылдыгын утурлай Чолпонбай Түлөбердиев атындагы музей ачылды 216 0

11:08 2025-05-10 | Коом жана турмуш

Садыр Жапаровдун жерге жармаштырылган желекти алып, чөнтөгүнө салган видеосу тарады 1577 1

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 385 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 1186 0

Архив

Комментарийлер (8)

acer11

2014-05-23 14:54:55

Жакшы сооп иш кылыптыр эми орустар ушул жакшылыгын эске алыша бекен. Эске алса ага "баатыр" деген наам берилет, болбосо россиянын калаган жеринде тосколсуз жумуш кылыт.

bishkek.kg

2014-05-24 19:14:57

адамдарды карасан баары эле жардам бериштин ордуна видео тартып жатышат тообо кылдым эээ!!!!!!!!!!!!!

Begimkyz

2014-05-23 15:13:44

Аман калганы жакшы болуптур жургунчулордун.

mosya

2014-05-23 15:28:28

ХХХ ХХХ орустар мына баардык гасторбайтерлер жаман эмес бекен

admin_portal

2014-05-23 15:31:44

mosya - эскертүү!
Коомдук адепке туура келбеген сөздөрдү толук эмес болсо да жазууга тыюу салынат.

mir89kg

2014-05-24 01:07:46

Кече ЧП передачасынан коргомун, бирок гастарбайтерлер сактап калды деген созду эч укан жокмун, Эгер айдоочу кыргыз болуп калса барбы ууу... жаман болот эледа

nurkasym-2014

2014-05-24 08:13:42

Кырсык айтып келбейт.Ошон учун Кыргызда жакшы кеп бар да"кырсык каш кабактын ортосунда"-деген.Бир гана АЛЛАХ озу туралайт.

uluk1982

2014-05-24 19:48:40

Тормуз орустардын журналистери ооозуна талкан салып алыптыр.......

Комментарий калтыруу үчүн өз ысымыңыз менен кириңиз же каттоодон өтүңүз.