Өлкө аймагындагы фермерлерге 4 миллиард сомго жакын жеңилдетилген насыя берилди

“Айыл чарбасын каржылоо-2” долбоорунун алкагында фермердик чарба, айыл чарба продукциясын кайра иштетүүчүлөргө жана айыл чарба кооперативдерине 3 миллиард 709 миллион 104 миң сом өлчөмүндөгү 12,151 жеңилдетилген насыя берилди. Бул тууралуу бүгүн, 23-майда өкмөттүн басма сөз кызматынан билдиришти.

Ошол эле маалда өсүмдүк өстүрүүгө 367 281,0 миң сомдук 1563 насыя жана мал чарбачылыгын өнүктүрүү үчүн 3 031 955,0 миң сомдук 10 510 насыя берилди.

Айыл чарба продукциясын кайра иштетүү жана үрөн чарбачылыктары үчүн 309 868,0 миң сомдук 78 насыя берилген.

Автор: Мальвина Уметбекова