Дайыр Асанов атындагы Кыргыз аскер лицейин 58 курсант аяктады (фоторепортаж)

Курсанттар куттуктоолорду кабыл алып жатышты.

Курсанттар куттуктоолорду кабыл алып, жакындары менен, мугалимдери менен эстеликке сүрөткө түшүп жатышты.

Андан соң эркин сүрөткө түшүүгө, курсанттар үчүн куттуктоолорду кабыл алууга укук берилди.

Бүтүрүү кечесинин расмий бөлүгү аскердик парад менен жыйынтыкталды.

Салтанаттын жүрүшүнөн...

3-курстун курсанттары 2-курстун курсанттарына билим ачкычын салтанаттуу түрдө өткөрүп берип жатышат.

Бүтүрүүчүлөрдүн эсинде түбөлүк жаңыра турган акыркы коңгуроо кагылды.

Келечекке олуттуу кадам таштаган бүтүрүүчүлөрдүн жүзүнөн толуп-ташкан кубаныч байкалып турду.

Бүтүрүүчүлөр 3 жыл бою окуткан мугалимдерин ак бийге тартып, жетине албай кубанып турушту.

Бүтүрүү кечесинде мекен тууралуу, мугалимдер тууралуу ырлар аткарылды.

Ырлар окулуп, каалоо-тилектер айтылып жатты.

Кече аскердик оркестрдин коштоосунда өттү.

Дайыр Асановдун жубайы Жамал апа: "Аскердик лицейге тапшыруу менен силер жаркын келечекти тандагансыңар. Силер курактуу балдар учурда чет өлкөгө иштөө үчүн кетип жатканы өкүндүрөт. Ата-энелериңерге рахмат, силердей тарбиялуу балдарды өстүргөнүнө. Жолуңар байсалдуу болсун!"

Окутуучулар Билим берүү жана илим министрлигинин Ардак грамоталары жана төш белгилери менен сыйланышты.

Коргоо министрлигине караштуу аскердик даярдоо окуу бөлүмүнүн башчысы, полковник Мирбек Казымбеков каалоо-тилектерин айтты.

Иш-чара салтанаттуу түрдө ачылган соң окуу жайдын башчысы, милициянын полковниги Дамир Өзбеков сөз сүйлөдү.

Окуу жайды быйыл 58 курсант аяктап жатат.

Андан соң байракты өткөрүп берүү аземи орун алып, кече салтанаттуу түрдө ачылды.

Советтер Союзунун Баатыры Дайыр Асановдун жубайы Жамал апа уул-кыздарынын коштоосунда келди.

Алгач курсанттар генерал-майор Дайыр Асановдун эстелигинин алдына гүлчамбар коюшту.

Майрамдык кече аскердик оркестрдин коштоосунда болду.

Андан соң окуу жайдын мугалимдери бүтүрүү кечесине күбө болуу үчүн орундарына чакырылды.

Акырындык менен чогулгандар аракетке өтүп, салтанат курсанттарды 2 катарга тизүү менен башталды.

3 жыл бирге окуган курсанттар салтанаттуу кече белгиленген убакыттан мурун келип, саатты карап күтүп турушту.

Бүгүн, 24-майда Бишкекте Советтер Союзунун Баатыры, генерал-майор Дайыр Асанов атындагы Кыргыз аскер лицейинде бүтүрүү кечеси орун алып, окуу жайды 58 курсант аяктады.

Иш-чарага Дайыр Асановдун жубайы, жакындары конок катары чакырылып, сөз сүйлөштү. Андан тышкары Коргоо министрлигинен өкүлдөр, бүтүрүүчүлөрдүн ата-энелери, жакындары, окуу жайдын эмгек жамааты жана төмөнкү курста окуган курстанттар катышышты. Бүтүрүүчүлөрдүн ыр-бийи менен коштолгон иш-чара алкагында көптөгөн каалоо-тилектер айтылып, мекен тууралуу, мугалимдер тууралуу ырлар обого жаңырды.

Автор: Максат Кудайбердиев
Фото: Максат Кудайбердиев