Борбордун жашоочусу "таанышына бычак сайган" деген шек менен камакка алынды

Борбордун жашоочусу "таанышына бычак сайган" деген шек менен камакка алынды. Бул тууралуу Чүй ОИИББинин басма сөз кызматы бүгүн, 27-майда билдирди.

Белгилүү болгондой, Бишкектеги № 4-оорукананын жандандыруу бөлүмүнө бычактан алган жаракаттары бар жаран алынып келинген. Бул факт боюнча Аламүдүн райондук ИИБинин кызматкерлери иш алып барышып, кылмышка шектүү катары 33 жаштагы Ч.Н. аттуу борбор калаанын жашоочусу кармалган.

Иликтөөлөрдө аталган жаран спирт ичимдиктерин ичип отуруп уруша кеткен соң, жогоруда айтылган таанышына бычак сайганы ачыкталды. Бул окуя боюнча “ден соолукка атайылап залал келтирүү” беренеси менен иш козголгону белгилүү болду. Шектүү жаран убактылуу кармоочу жайга камалды.

Автор: Мирлан Өмүралиев