Ош облустук ички иштер башкармалыгы "митингге чыгышкан Ахматбек Келдибековдун тарапташтары жол тосушкан жок" дейт

"Бүгүн, 27-майда Алай районунун Сопу-Коргон айылында депутат Ахматбек Келдибековду жактап митингге чыккандар Ош - Эркеч-Там унаа жолун тосушту" деген маалымат жалган. Муну Ош облустук ички иштер башкармалыгынан билдиришти. “Митингге чыккандар эч кандай жол тосушкан жок”,- деп билдирди мекеменин маалымат кызматынан.

Митингчилер бийлик өкүлдөрүнөн Сопу-Коргон айылына келип, элдин талаптарын угууну талап кылып турушат.

Белгилей кетсек, 26-майда Бишкек шаарынын Октябрь райондук соту Ахматбек Келдибековду камакта кармоо мөөнөтүн 27-июнга чейин узарткан эле.

Автор: Жамалидин Парманкулов