Жылнаама, 29-май: Мындан 170 жыл мурун Орусия империясында сойкулар үчүн бир катар эрежелер пайда болгон

* Мындан 170 жыл мурун, 1844-жылы Орусия империясында сойкулар үчүн бир катар эрежелер пайда болгон. Аталган аймакта өзгөчө Екатерина IIнин тушунда күч алган. Алар эртең менен кадимки эле жумушуна кеткендей кетип, сойкулукту кесипке айландырышкан. Пётр Iнин тушунда Орусияда жоокерлердин көбөйүшү менен сойкулардын кызматына муктаж болгондор кескин өскөн. Эрежеде ар бир сойку бир күндө 5-6 гана кардарды тейлөөгө акылуу экендиги жазылган. Революциянын келиши менен Орусияда сойкулук тыптыйпыл жоголуп, андан кийин кайра куруу доорунан тарта жандана баштаган.

* Мындан 97 жыл мурун, 1917-жылы АКШда афроамерикалыктардын укугун теңдөөгө чоң салым кошкон 35-президент Жон Кеннеди төрөлүп, 1963-жылы 22-ноябрда киши колдуу болуп каза болгон. Акыркы сапарга узатуу зыйнаты 1963-жылдын 25-ноябрында болуп өткөн.

* Мындан 105 жыл мурун, 1909-жылы кыргызстандык көпөс Ивановдун Пишпектеги сыра чыгарчу заводу ишке киргизилген. Ага керектелчү суу Ала-Арчадан ташылып, арпа күйүп кетпеш үчүн жумушчулар 10-12 сааттап казанды аралаштырып турушкан.

29-майда Кыргызстанда жана дүйнөдө орун алган окуялар тууралуу кененирээк бул жактан окуй аласыздар.

Автор: Айпери Ганыжан кызы