Ош. Алайда Куралдуу күчтөрүнүн түзүлгөндүгүнүн 22 жылдыгына карата майрамдык салтанат өттү

28-майда Алай райондук маданият үйүндө КРнын Куралдуу күчтөрүнүн түзүлгөндүгүнүн 22 жылдыгына карата майрамдык салтанат болуп өттү. Бул тууралуу бүгүн, 29-майда райондук администрациянын басма сөз кызматынан билдирди.

Маалым болгондой, №92843-аскер бөлүгүнө 5000 сом акчалай сыйлык берилди. Үлгүлүү жүрүм-туруму, күжүрмөн даярдыгы жана кызматтык милдеттерин так аткаргандыгы үчүн улук лейтенант Айбек Аристокиев, Жамалидин Чокоев Алай райондук мамлекеттик администрациясынын Ардак грамотасына татышты.

Ошондой эле №92843-аскер бөлүгүнүн командири Руслан Ишкарин тарабынан аскер кызматкерлерине алкыштар айтылып, айрымдарына баалуу белектер жана акчалай сыйлыктар тапшырылды.

Салтанаттын соңунда маданият бөлүмүнүн кызматкерлери тарабынан чоң программадагы концерт тартууланды.

Автор: Айсана Паизова