Алайда тосулган жолдун айынан "Кара-Суу" базарында баалар кымбаттоодо

Мамлекеттик маанидеги Ош - Эркеч-Там трассасынын Алай районундагы митингчилер тарабынан тосулушу Ош шаарына олуттуу зыян келтирүүдө. Муну бүгүн, 30-майда шаардык мэрия ырастады. Жолдун 3 күндөн бери буулуп турушунан аталган жол аркылуу облустун башка аймактарына баруучу карапайым жарандарга түйшүк жаралып жатат.

Ош шаардык мэриясынын өкүлү Керимбек Калыгулов буларды кошумчалайт:

"Алайдагы жол тосуу түздөн-түз терс таасирин тийгизүүдө. Анткени ири "Кара-Суу" базарына товар келбей, баалардын өскөнү байкалууда. Кыргызстан элдер ассамблеясынын түштүк аймагындагы өкүлдөрү бул көйгөй боюнча атайын жыйын өткөргөнү жатышат. Анда жол тосууну токтотууга чакырык жасалат".

Автор: Автандил Добулбеков, Айсана Паизова
Фото: Ош ОИИБ