Ак илбирсти коргоо: Токой чарба агенттиги менен коммерциялык эмес уюмдардын ортосунда меморандум түзүлдү

Токой чарба жана айлана-чөйрөнү коргоо мамлекеттик агенттиги менен коммерциялык эмес "Snow Leopard Trust" жана "Snow Leopard Foundation in Kyrgyzstan" уюмдарынын ортосунда жаратылышты коргоо тармагында өз ара кызматташуу жөнүндө меморандумга кол коюлду. Муну бүгүн, 2-июнда аталган агенттиктен билдиришти. Тараптар төмөнкү багыттар боюнча кызматташууну макулдашты:

Ак илбирсти, анын азыктануу базасын жана жашаган чөйрөсүн коргоо;

Жергиликтүү коомчулуктун муктаждыгын аныктоо;

Туруктуу жана узак мөөнөттүү жаратылышты коргоо программасын ишке киргизүү;

Ак илбирстер боюнча изилдөө программасын биргеликте ишке ашыруу.

Автор: Автандил Добулбеков