Бириккен Улуттар Уюмунун Башкы катчысы Пан Ги Мун метродо бара жатып бейтааныш жүргүнчү менен сүрөткө түштү

Бириккен Улуттар Уюмунун Башкы катчысы Пан Ги Мун метродо бара жатып жүргүнчүлөрдүн бири менен сүрөткө түштү. Чет элдик ММКларга таянсак, сүрөт аталган чиновник Нью-Йорк мэриясына бара жатканда тартылган. Пан Ги Мундун коомдук унаа менен иш сапарга чыкканын БУУдан да ырасташты.

Метрого ал жалгыз чыккан эмес. Жанында орун басары Юкио Такасу, БУУнун расмий өкүлү Стефан Дужаррик жана башкалар болгону айтылды.

Автор: Автандил Добулбеков
Фото: Интернет булактары