Жоомарт Оторбаев "Кара-Жыгач" сейил багындагы мыйзамсыз курулуштарга нааразы болуп, анын чек араларын тактоого буйрук берди (фоторепортаж)

"Кара-Жыгач" сейил багына курулган үй

"Кара-Жыгач" сейил багынын аймагынан жер тилкесин сатып алган жаран жердин Кызыл китебин журналисттерге көрсөтүүдө.

Кубанычбек Кулматов жер тилкелерин сатып алгандарды башка жакка көчүүнү сунуштады.

Сейил бактын аймагынан жер тилкесин сатып алган тургун көйгөйүн айтты.

"Кара-Жыгач" сейил багы

Сейил бактан көрүнүш

Жоомарт Оторбаев сейил бактын кооздугуна суктанууда.

Жоомарт Оторбаев жана Кубанычбек Кулматов сейил бактын кооздугуна суктанышууда.

Иш-чаранын жүрүшүнөн

"Кара-Жыгач" сейил багынын картасы

Бишкектин мэри Кубанычбек Кулматов Жоомарт Оторбаевге "Кара-Жыгач" сейил багындагы мыйзамсыз сатылган жер тилкелерин көрсөтүүдө.

Бишкектин мэри Кубанычбек Кулматов Жоомарт Оторбаевге сейил бактагы мыйзамсыз сатылган жер тилкелерин көрсөтүүдө.

Премьер-министр Жоомарт Оторбаев "Кара-Жыгач" сейил багы 1881-жылы түптөлгөнүн айтты.

Бүгүн, 3-июнда премьер-министр Жоомарт Оторбаев жана Бишкектин мэри Кубанычбек Кулматов иш сапары менен "Кара-Жыгач" сейил багында болушту. Иш-чарада аталган бактын бир топ жери сатылып кеткени айтылды.

Өкмөт башчынын айтымында, "Кара-Жыгач" сейил багын 1881-жылы ботаник А.Фетисов түптөгөн. “Башында аянты 215 гектар болгон. 1990-2000-жылдары жер тилкелери жеке менчикке мыйзамсыз берилип, сейил бактын 130 гектары гана калган. Бирок ушул аянтты да бүгүнкү күнү басып алышууда”,- деди премьер-министр.

Андан соң Бишкектин мэри К.Кулматовго сейил бактын чек араларын тактоого 2 айлык мөөнөт берди.

“Ушул убакыттын ичинде жумушчу топту түзүп, берилген буйрукту аткарууга аракет кылабыз. Мындан тышкары жер тилкелерин мыйзамсыз сатып жибергендер жоопкерчиликке тартылышат”,- деп жооп берди Кулматов.

Мындан кийин алар сейил бак аймагынан жер тилкелерин сатып алгандар менен жолугушту. Оторбаев жергиликтүү тургундардын маселеси мыйзамдуу түрдө чечилерин белгиледи.

Автор: Нургазы Аматов
Фото: Нургазы Аматов