Кыргызстанда "Кыргыз-казак бир тууган" аттуу тасма тартылат

Белгилүү кинорежиссёр Нурлан Абдыкадыров “Кыргыз-казак бир тууган” деген аталышта тасма тартат. Бул тууралуу Кыргызстандын Киноматографияны өнүктүрүү фонду билдирди. Маалыматка ылайык, “Кыргызфильм” улуттук киностудиясынын көркөм кеңеши аталган тасманын сценарийин карап чыгып, тартууга макулдугун берген. Тасманы тартууга “Казакфильм” киностудиясы көмөк көрсөтө тургандыгы маалым болду. Ошондой эле Кыргызстандын “Ой Арт” жана “Айтыш-фильм” студиялары техникалык колдоо көрсөтөтөт. Тасмада кыргыз жана казак үй-бүлөлөрүнөн чыккан эки жаштын тагдыры тууралуу баяндалат.

Автор: Ширин Жумадилова