Ош мамлекеттик университетинин 75 жылдык мааракеси теннис боюнча мелдеш менен коштолду

Ош мамлекеттик университетинде окуу жайдын 75 жылдыгына жана ОшМУнун профессору, техника илимдеринин доктору Идирис Кенжаевдин 60 жылдык мааракесине карата стол тенниси боюнча эл аралык мелдеш уюштурулду. Ага университеттин профессордук-окутуучулук курамы, студенттер катышып, куттуктоо сөздөрүн айтышты. Бул тууралуу бүгүн, 4-июнда окуу жайдын басма сөз кызматы билдирди.

Ага Түштүк Корея, Орусия, Казакстан, Өзбекстан мамлекеттеринен өкүлдөр, спортчулар келип катышышты. Жыйынтыгында 1-орунду Кыргызстандын чемпиону Руслан Култаев, 2-орунду Алишер Якуббаев (Кыргызстан), 3-орунду Кудрат Абдирахимов (Өзбекстан) ээледи.

Белгилей кетсек, аталган оюндар ОшМУнун табият таануу жана география факультетиндеги спорттук залында өттү.

Автор: Айсана Паизова
Фото: ОшМунун басма сөз кызматы