Ош шаарындагы эстакадалык көпүрөнү курууда учурда инженердик иликтөө иштери жүрүүдө

Ош шаарындагы эстакадалык көпүрөнү куруу иштери улантылууда. Учурда ал жерде геодезисттер жана инженерлер иштеп, өлчөө иштерин жүргүзүүдө. Бул тууралуу бүгүн, 4-июнда Ош шаардык жол-курулуш башкармалыгынын жетекчиси Сатыбалды Абдылдакунов билдирди.

Маалым болгондой, бүгүндөн тарта жер алдындагы инженердик коммуникацияларды которуу жумуштары башталды. Учурда 5 жүк ташуучу жана казуучу оор техникалар жана 15ке жакын куруучулар иштөөдө. Инженердик иликтөө иштери толук аяктаса, жумушчулардын да, техникалардын да саны көбөйтүлөт.

Ошондой эле вице-мэр Жапарбек Ормонов эстакадалык көпүрөнүн курулушунун жүрүшүнө жана жасалып жаткан иштин сапатына мэрия тарабынан тынымсыз көзөмөл жүргүзүлүп жатканын кошумчалады.

Автор: Айсана Паизова