Декларация: Депутат Мамытбай Салымбековдун былтыркы кирешеси 11 миллион 176 миң сом

Жогорку Кеңештин депутаты Мамытбай Салымбеков 2013-жылы 11 миллион 176 133 сом киреше тапкан. Мунун 997 675 сому - депутаттын маянасы, 281 304 сому - пенсиясы, калган 9 миллион 897 154 сому - кошумча кирешеси. Кыймылсыз мүлктөрү: курулушу бүтө элек үй (аянты 260 чарчы метр), имарат (аянты 210 чарчы метр), жер тилкеси (30 гектар), жер тилкеси (50 гектар).

Мамытбай Салымбеков “Дордой базары” ЖЧКсынын 10 пайыздык акциясына, “Дордой Ордо” ЖЧКсынын 19 пайыздык акциясына, “Окулюс” ЖЧКсынын 25 пайыздык акциясына, “Мурас Спорт” ЖЧКсынын 8 пайыздык акциясына, “Дордой Моторс” ЖЧКсынын 20 пайыздык акциясына, “Дордой Энерго” ЖЧКсынын 30 пайызына, “Ак-Таш” ЖЧКсынын 30 пайыздык акциясына, “Ак-Таш Дордой” ЖЧКсынын 40 пайыздык акциясына ээлик кылат. Маалымат депутаттын тапшырган декларациясынан алынды.

Автор: Автандил Добулбеков
Фото: ЖКнын маалымат кызматы