Алайдагы тосулган жолдо турган жүк ташуучу унаалардын тең жарымы Ош шаардык кеңешинин төрагасына таандык экени айтылууда

28-май. Алайдагы митингчилер Ош- Эркеч-Там унаа жолун бууп, жүк ташуучу унаалар токтоп калган эле.

Алай районундагы Сопу-Коргон айылында тосулган Эркеч-Там унаа жолунда турган жүк ташуучу унаалардын тең жарымы Ош шаардык кеңешинин төрагасы Улан Примовго таандык экени айтылууда.

Бул тууралуу 5-июнда Улан Примов: “Ооба, ал жерде туруп калган жүк ташуучу унаалардын катарында бизге таандыктары да бар, негизинен биз көмүр менен иш алып баргандыктан, кышка даярдык иштери жол тосулгандан бери солгундап калды. Канчалык бир деңгээлде зыянын көрүп жатабыз десем туура болот”,-деди.

Алынган маалыматтар боюнча, төрага Примовго таандык көмүр чыгаруучу “Ош Пирим” фирмасы, ошондой эле “Ош Пирим” телеканалдары бар.

Автор: Айсана Паизова