Биринчи вице-премьер-министр: “Орусияда 2 миллиондон ашуун мекендештерибиздин биометрикалык белгилери бар экен”

“Орусияда 2 миллиондон ашуун биздин жарандардын биометрикалык маалыматтары бар экени белгилүү болду”,- деп айтты бүгүн, 5-июнда маалымат жыйынында КРнын Биринчи вице-премьер-министри Тайырбек Сарпашев.

Анын айтымында, бул маалыматты ага Орусиянын Федералык миграция кызматынын башчысы Константин Ромодановский жеке жолугушууда билдирген. “Биздин мекендештерибиздин биометрикалык маалыматтарын чогултуу боюнча иш алып барып жатабыз”,- деди Сарпашев.

Белгилей кетсек, Кыргызстанда биометрикалык базаны топтоо иштери 2014-жылдын 31-августунан башталары белгиленген.

Автор: Нургазы Аматов