Бишкекте Кыргызстандын каржы-экономика системинин түзүлгөндүгүнүн 90 жылдыгы белгиленди

Бүгүн, 6-июнда Т.Сатылганов атындагы Улуттук филармонияда Кыргызстандын каржы-экономика системинин 90 жылдыгына арналган иш-чара өттү. Ага биринчи вице-премьер-министр Тайырбек Сарпашев катышып, каржы-экономика тармагында эмгектенгендерди куттуктады. "Өлкөдөгү өзгөрүүлөрдүн басымдуу бөлүгү каржы жана экономика жаатында эмгектенгендердин демилгеси менен ишке ашып келет. Бул тармактагы өзгөрүүлөр да өлкө үчүн зор мааниге ээ. Бюджеттик каражаттарды эффективдүү пайдалануу жана туура бөлүштүрүү жаңы өзгөрүүлөргө өтүүгө өбөлгө түзөт",- деди Сарпашев.

Автор: Айпери Ганыжан кызы