Улуу Британияда баласынын ашыкча салмагы үчүн анын ата-энесине кылмыш ишин козгошту

Улуу Британияда баласынын ашыкча салмагы үчүн анын ата-энесине кылмыш иши козголду. Алар 11 жаштагы уулуна туура эмес мамиле кылгандыгы үчүн жооп беришүүдө. Бул тууралуу бүгүн, 9-июнда чет элдик маалымат каражаттары жазып чыгышты.

Маалыматка ылайык, баланын күндөн-күнгө салмагы оорлоп, 95 килограммга жетип калганына тынчсызданган дарыгерлер чуу чыгарышкан.

Полициянын маалыматына ылайык, учурда ата-эне күрөөгө акча коюп абактан чыгышты. Эми баланы опекун органдарына өткөрүп беришет.

"Уулубуз көбүнчө жашылча-жемиштерге ыктайт. Эң жакшы көргөн жашылчасы - брокколи (капустанын түрү). Жашылча жеген адам семирбеши керек. Анын салмак кошушун тукум куучулук оору деп санайбыз",- дешет.

Бала журналисттерге жакында эле бассейнге кулап кетип, бирөөлөрдүн жардамы менен араң тургандыгын жана учурда аябай арыктагысы келип жатканын айткан.

Автор: Дамира Арстанова