Кыргызстандын ооруканаларына 75 миң долларлык медициналык жабдуулар берилет

Бишкекте эртең, 11-июнда Кыргызстандын ооруканаларына жалпы суммасы 75 миң долларды түзгөн медициналык жабдуулар өткөрүлүп берилет. Бул тууралуу бүгүн Саламаттыкты сактоо министрлигинин басма сөз кызматынан билдиришти.

Маалыматка ылайык, иш-чара Бүткүл дүйнөлүк саламаттык сактоо уюмунун долбоору аркылуу Орусия өкмөтүнүн каржылоосу менен ишке ашырылууда.

Иш-чарага саламаттыкты сактоо министри Динара Сагынбаева, Орусия элчилигинин өкүлдөрү, Бүткүл дүйнөлүк саламаттык сактоо уюмунун өкүлдөрү, аймактык жана биирктирилген облустук ооруканалардын жетекчилери жана облустук координаторлор катышмакчы.

Автор: Мальвина Уметбекова