Мамлекеттик салык кызматы алкоголь ичимдиктерин көмүскө айландырууну азайтууну пландап жатат

Мамлекеттик салык кызматы өлкөдө алкоголь ичимдиктерин көмүскө айландыруу ишмердүүлүгүн азайтууну пландоодо. Муну бүгүн, 10-июнда аталган мекемеден билдиришти. Иш-аракеттердин планына мекеме жетекчиси Замирбек Осмонов кол коюптур.

“Коюлган тапшырманын алкагында акциздик маркаларды каттоону автоматташтырууга шарт түзүү жагы каралууда”,- деп билдиришти мекемеден.

Салык кызматынын иш планы Кыргызстанды 2017-жылга чейин туруктуу өнүктүрүү стратегиясын ишке ашыруу алкагында кабыл алынганы айтылды.

Автор: Автандил Добулбеков