Америкада баңгизатын Бритни Спирс жана Кристина Агилеранын ысымы менен атап саткан уюк кармалды

Американын Нью-Йорк шаарында товарын ырчылардын аты менен атап жүргөн баңгизат сатуучулары колго түшүрүлдү. Бул тууралуу 11-июнда чет элдик басылмалар жазып чыгышты.

Полициянын маалыматына ылайык, кылмышка шектүүлөр кокаинге Кристина Агилеранын атын беришип, ал эми крэк маңзатын Бритни Спирс деп атап сатып жүрүшкөн. Мындан улам баңгизатын сатып жүргөндөрдү жоопкерчиликке тартуу кыйын болуп турган. 10 ай аралыгында иликтөө иштери жүрүп, 25 адамды камакка алышкан. Маңзат сатуу үчүн алар жашы жете элек балдарды колдонуп келишкени маалым болгон.

Автор: Айпери Ганыжан кызы
Фото: Интернеттен алынды