Бишкектин “Жашылдандыруу” ишканасынын жетекчиси Закир Коомбаев кызматынан бошотулду

Бишкек шаардык мэриясынын алдындагы “Жашылдандыруу” муниципалдык ишканасынын жетекчиси Закир Коомбаев бүгүн, 11-июнда ээлеген кызматынан өз каалоосу менен бошотулду. Бул тууралуу мэриянын басма сөз кызматынан билдиришти.

Маалыматка ылайык, З.Коомбаев өз каалоосу менен кызматтан кетүү тууралуу арыз жазган. Арызга шаар мэри Кубанычбек Кулматов кечээ, 10-июнда кол койгон. Учурда жаңы жетекчи дайындала электигин билдирди мэриянын басма сөз кызматы.

Автор: Мальвина Уметбекова
Фото: Интернеттен алынды