Түштүк Кореяда чөгүп кеткен “Севоль” кемесинин экипажынын мүчөлөрү сот алдында жооп берип башташты

Түштүк Кореяда чөгүп кеткен “Севоль” кемесинин экипажынын мүчөлөрү сот алдында жооп берип башташты. Бул тууралуу чет элдик басылмалар бүгүн, 11-июнда кабарлашууда.

Маалыматтарга караганда, экипаждын мүчөлөрүнө "шалаакылык" жана "атайын жасалбаган өлтүрүү" деген айып тагылууда. Сот учурунда кемеде каза болгондордун туугандары баш аламандык уюштурушканы белгилүү болду.

Эгер кеменин капитанынын жана анын 3 жардамчысынын күнөөсү далилдене турган болсо, алар өлүм жазасына тартылышат. Айта кетчү жагдай, Түштүк Кореяда өлүм жазасы 17 жылдан бери колдонула элек.

Эске салсак, 16-апрель күнү Түштүк Кореяда жүргүнчүлөрдү ташуучу кеме чөгүп кеткен. Анда 475 адам болгон. Алардын 325и - саякатка чыккан мектеп окуучулары, 14ү - мугалимдер, 111и - жүргүнчүлөр, 25и - экипаждын кызматкерлери.

18-апрелде окуучуларды кемеде коштоп жүргөн мектептин директорунун орун басары Кан Мин Гю бул окуяга өзүн күнөөлүү сезип, спортзалда асынып алган эле. Ал эми 19-апрель күнү кеменин капитаны Ли Чжун Сок “өз милдеттерин так аткарган эмес” жана “деңиз мыйзамдарын одоно бузган” деп айыпталып, камакка алынды. Ал кеме чөгүп бара жатканда экипажды башкарбай чыгып кеткенин жана ал учурда кемени 25 жаштагы жардамчысы башкарганын айтып, күнөөсүн мойнуна алган.

Ошондой эле 27-апрелде Түштүк Кореядагы кеменин кыйрашына байланыштуу өкмөт башчы Чон Хон Вон отставкага кеткен.

Автор: Мирлан Өмүралиев
Фото: Интернеттен алынды

17:01 11-06-2014

Жазылуу

РУБРИКАДАГЫ СОҢКУ КАБАРЛАР

15:56 2025-05-10 | Кылмыштар, кырсыктар

Блогер Айтилек Орозбеков үй камагына чыгарылды 216 0

15:20 2025-05-10 | Маданият, шоу-бизнес

Бишкекке келген ырчы Амирчик жаанга карабай борбордук аянтта күйөрмандарын сүйүндүрдү (видео) 550 0

15:05 2025-05-10 | Коом жана турмуш

Ошто жеке тараптан мамлекетке кайтарылган имартка мектеп курулат (видео) 291 0

14:24 2025-05-10 | Спорт

Ирандагы мелдеште кыргыз балбаны Бекзат Алмаз уулу алтын тагынды (видео) 418 0

13:40 2025-05-10 | Коом жана турмуш

Бишкекте жер алдынан өтүүчү өтмөктүн курулушу башталды. Кайсы көчө жабылды? (видео) 724 0

13:00 2025-05-10 | Коом жана турмуш

Жалал-Абад шаарына курулуучу аэропорттун долбоору жарыяланды 987 0

Архив

Комментарийлер (2)

sapfir86

2014-06-11 20:07:15

Мына, мамлекетте мыйзам күчүндө иштейт экенин ушундан бил. Биздечи? Адам өлтүргөндөр киного тартылып жүрөт экен, бала саткандар жумуштан алынып ЭЛЕ коет экен, кызды зордуктап өлтүргөндөр табылбайт экен.... Ээхх... Кайда бараар экенбиз...

nurkasym-2014

2014-06-12 07:38:57

Кыргыздарда закон кыргызча иштеп атса кайдан.Бизде илгертен бери каныбызга синип калган кыргызчылыктан чыга албай келебиз.Анан кайдан онугуу.Эл озун озу багып эле келе жатат го.Ошондо куноо эл башкаруучуларда да туурабы.

Комментарий калтыруу үчүн өз ысымыңыз менен кириңиз же каттоодон өтүңүз.