Кара-Суу райондук сотунун кызматкери пара алып жаткан жеринен кармалды

Ош облусунда Кара-Суу райондук сотунун кызматкери пара алып жаткан жеринен кармалды. Бул тууралуу Ош облусунун ички иштер башкармалыгы бүгүн, 12-июнда билдирди.

Маалыматка караганда, милицияга 43 жаштагы А.А. аттуу жаран кайрылып, Кара-Суу райондук сотунун сот аткаруучусу, 32 жаштагы Б.Ы. алимент баракчасын жок кылуу үчүн 6000 сом пара талап кылгандыгын айткан. Бул боюнча ыкчам аракеттер жүрүп, 6 миң сом өлчөмүндөгү акча каражатын алып жаткан жеринен сот кызматкери кармалды.

Аталган факты боюнча КРнын Кылмыш-жаза кодексинин 313-беренеси боюнча кылмыш иши козголду. Учурда тергөө амалдары жүрүп жатат.

Автор: Бекжан Рыскулов